Дзяржкантроль пацвердзіў толькі 6 выпадкаў "заробкаў у канверце" з 48

У першым квартале 2024 года Камітэт дзяржкантролю атрымаў ад грамадзян 48 заяваў пра выплату "заробкаў у канвертах". Але пацвердзілася вельмі малая частка з іх.

"Большасць паведамленняў датычыла суб'ектаў гаспадарання Мінска і Мінскай вобласці (70,8%). У шасці выпадках інфармацыя, якая паступіла, пацвердзілася", — гаворыцца ў афіцыйным тэлеграм-канале КДК.

Няцяжка падлічыць, што пацвердзілася толькі кожная восьмая заява, або 12,5%.

Дарэчы, летась КДК выявіў 103 выплаты "заробкаў у канвертах" на 24 мільёны рублёў. У сярэднім гэта складае амаль 26 выпадкаў у квартал — у чатыры разы больш, чым сёлета.